"Найрамдлын эрдэнэс" зусланд хоолны хордлого гарсан. Тодруулбал, тус зусланд 322 хүүхэд амарч байснаас энэ сарын 15-ны өдрийн хоол, 16:00 цагт тараг уусны дараа зарим хүүхдээс гэдэс өвдсөн, дотор муухайрсан зэрэг шинж тэмдэг илэрч, эмнэлгийн байгууллагад хандсан тухай өмнө нь мэдээлсэн.

2025 оны 7 дугаар сарын 20-ны өдрийн 23:00 цагийн байдлаар:

• Орхон аймаг дахь Бүсийн оношилгоо, эмчилгээний төвд: 65
• “Эрдэнэт” сувиллын цогцолборт: 66
• Халдварт өвчин судлалын үндэсний төвд: 10
• Нийт 141 сурагч, багш эмнэлэгт хэвтэн эмчлүүлж байна. Үүнээс нийт 79 нь эдгэрч эмнэлгээс гарчээ. 

Бактериологи лабораторийн шинжилгээнд нийт 235 сорьц илгээснээс 231-ийнх нь эхний хариу гарсан бол 4 хариу хүлээж буй юм байна. Хоёр удаагийн шинжилгээ авч буй бөгөөд бүх шинжилгээний хариу сөрөг гарсан хүүхдүүдийг эмнэлгээс гаргаж буй аж.