Тод манлай уяач Х.Бат-Эрдэнийн хамаарал бүхий этгээд “Монгол драй милк” компани нь дотоодын зах зээлийг хуурай сүүгээр бүрэн хангаж, тэр ч бүү хэл гадаад руу экспортлох төслөөрөө Хөгжлийн банкнаас 15 сая ам.доллар буюу 47 тэрбум төгрөгийн зээл авсан байдаг. Үүнтэй холбоотойгоор АТГ-аас “Алтай констракшн” компанийн захирал Х.Бат-Эрдэнэ эрэн сурвалжлуулахаар Интерполд ханджээ. Энэ дагуу түүний байршлыг тогтоолгохоор Интерполын цахим хуудасны цэнхэр буланд мэдээллийг нь оруулсан байна.

Х.Бат-Эрдэнийн үүсгэн байгуулсан "Алтай констракшин" ХХК-ийн барилга байгууламжуудтай холбоотой олон асуудал шүүх цагдаагаар явдаг ч чимээгүй дарагдаад өнгөрсөн тохиолдол олон бий...