2023 оны 09-р сарын 07-12-ны хооронд Узбекстан улсын Хива хотод зохиогдсон Гирийн дэлхийн аварга шалгаруулах тэмцээн болж өндөрлөсөн билээ.

Тус тэмцээнээс 3 алт, 1 мөнгөн медаль хүртэж эх орныхоо төрийн далбааг мандуулсан Ховд аймгийн Манхан сумын харьяат Хил хамгаалах ерөнхий газрын Хилийн цэргийн тусгай салбарын 0208 ангийн дэд ахлагч Батболдын Баярсайханыг хүлээн авч уулзаж, баяр хүргэж, урамшууллаа.

ТҮҮНИЙ АМЖИЛТААС ДУРДВАЛ:

Самбо бөхийн улсын аваргын алт, мөнгө,

Жиүжицү бөхийн төрлийн улсын 6 удаагийн аварга

Кураш бүстэй бөхийн төрлийн улсын аварга

Жудо бөхийн оюутны улсын аварга, хүрэл медаль

Самбо, Жудо, Чөлөөт бөхийн баруун бүсийн аварга

Казак кураш бөхийн ААШТ-ний хүрэл медаль

Олимпын бус төрлийн спортын их наадмаас гирийн төрлөөр алт, мөнгөн медаль

Гирийн дэлхийн аварга шалгаруулах тэмцээнд 3 алт 1 мөнгөн медаль тус бүр хүртжээ.

Цаашдын спортын их замд өндөр их амжилт хүсье. Эх орныхоо нэрийг дэлхийн чихнээ дуурсгасан олон амжилтын эзэн болоорой.