Биеийн тамир спортын улсын хорооны удирдлага ТАТВАР ТӨЛӨГЧДИЙН МӨНГИЙГ баруун солгойгүй цацаж байна. Төрийн хэмнэлтийн тухай хуулиар элдэв баяр ёслол, ой тэмдэглэхийг хориглосон байдаг ч энэ хуулийн хэрэгжилт О.Баттулга дарга огтхон ч хамаагүй бололтой.

Хуульд харшилсан тушаал шийдвэр гаргаж, спортын салбарынханыг сонгуулийн үеэр шагнах гэж байгаа нь ноцтой асуудал. Тодруулбал, Биеийн тамир спортын салбар үүссэний 100 жилийн ойг тохиолдуулан энэ сарын 28-нд Монголдоо хамгийн тохьтой, дээд зэрэглэлийн зочид буудалд тооцогддог “ШАНГРИ-ЛА”-д 107 саяар хурал зохион байгуулж, салбарынхаа тухай 90 сая төгрөгөөр кино хийлгэж, 18 сая төгрөгөөр дурсгалын медалион хийлгэж, 24 саяар тэмдэг, жуух бичиг, 11 саяар удирдах ажилтны зөвлөгөөн зэрэгт зарцуулжээ.