Монгол Улсын 34 дэх Ерөнхий сайд, Монголын Шатрын холбооны ерөнхийлөгч Гомбожавын Занданшатар “Их нүүдэл” хөтөлбөрийн хүрээнд Сэлэнгэ аймгийн ерөнхий боловсролын 35 сургуульд нийт 374 ширхэг шатар гардуулж, хүүхэд багачуудын шатрын спортоор хичээллэх боломжийг нэмэгдүүлэх, бага боловсролын шинэчилсэн сургалтын хөтөлбөрийг хэрэгжүүлэхэд дэмжлэг үзүүлэх, оюуны спортыг түгээн дэлгэрүүлэхэд бодит дэмжлэг үзүүллээ.

Арга хэмжээний үеэр Монголын Шатрын холбооны ерөнхийлөгч Г.Занданшатар “Таван хан” шатрын клубын сурагчидтай зэрэг тоглолт хийж, шатрын спортоор дамжуулан хүүхдийн сэтгэн бодох чадвар, оюун ухаан, тэвчээр хатуужлыг хөгжүүлэхийн ач холбогдлыг онцоллоо.