“АЖИЛ ОЛГОГЧДЫН ЗӨВЛӨГӨӨН” боллоо

Сонгинохайрхан дүүргийн Засаг даргын санаачилгаар төрийн болон хувийн хэвшлийн байгууллага, аж ахуй нэгжийн уялдаа холбоог сайжруулах, хөдөлмөр эрхлэлтийг нэмэгдүүлэх зорилгоор Хүүхэд залуучуудын театрт "Ажил олгогчдын зөвлөгөөн"-ийг зохион байгуулж, тус дүүргийн ажил олгогч, үйлдвэрлэгчдийн төлөөлөл болох 760 гаруй хүн оролцлоо.

May be an image of speaker and crowd

Арга хэмжээнд Хөдөлмөр, нийгмийн хамгааллын дэд сайд С.Зулпхар оролцож "Хөдөлмөр эрхлэлтийн бодлого, нийгмийн даатгалын багц хуулийн шинэчлэл" сэдвийн хүрээнд илтгэл танилцуулж, хөдөлмөр эрхлэлтийг нэмэгдүүлэх, төр хувийн хэвшлийн түншлэлийг сайжруулах сэдвээр өрнөсөн хэлэлцүүлэгт мэдээлэл, хариулт өглөө.

May be an image of 6 people, dais, newsroom and text

Сонгинохайрхан дүүргийн хэмжээнд 2024 оны байдлаар хөдөлмөрийн насны хүн ам 228535, хөдөлмөрийн насны ажилгүй иргэд 7749, хөдөлмөр эрхэлж буй хүн ам 118287, үүнээс хувиараа хөдөлмөр эрхэлж буй 9579 иргэн байна. Мөн 25836 ААН байгаагаас идэвхтэй үйл ажиллагаа явуулдаг жижиг, дунд үйлдвэр эрхлэгч 5187 байдаг байна.

May be an image of 4 people, hospital and text

Одоогийн байдлаар Хөдөлмөр, халамжийн үйлчилгээний хэлтэст 250 ААН-ийн 1000 гаруй нээлттэй ажлын байр бэлэн байгаа ба ажил олгогчоос 7 хоног тутам 250 гаруй ажлын байрны захиалга ирдэг байна.

May be an image of 3 people and crowd

Арга хэмжээний үеэр ажил олгогчдын төлөөлөл бараа бүтээгдэхүүнээ үйлдвэрийн үнээр борлуулж, Хөдөлмөр, халамжийн үйлчилгээний хэлтэс иргэдийг ажилд зуучлах, зөвлөгөө өгөх үйлчилгээ үзүүллээ.

Энэ мэдээ танд ямар санагдав?
0
0
0
0
0
0
Сэтгэгдэл:
Таны IP: (44.222.64.76)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.