Хуульзүйн байнгын хорооны хуралдаанаар Н.Номтойбаяр гишүүний бүрэн эрхийг түдгэлзүүлэх асуудлыг хаалттайгаар хэлэлцэж байна. Уг хуралд УЕП Б.Жаргалсайхан, УИХ-ын гишүүн Н.Номтойбаяр нар оролцож байна

Энэ үеэр УЕП Б.Жаргалсайхан хэлэхдээ, “Н.Номтойбаярыг гэм буруутай гэж хэн ч тодорхойлоогүй. Гэм буруутайг ганцхан шүүх л тогтооно. Одоогийн нөхцөл байдлын хувьд яллах,  цагаатгах нотлох баримтууд л цуглаж байна. Тухайн хүн өөрөө цагаадах нотлох баримтаа гаргаж өгөх үүрэгтэй. Мөрдөх байгууллагуудад саад учирч байна. Энэ тухай би УИХ-ын Халдашгүй байдлын дэд хорооны хурал дээр тодорхой ярьсан. Нотлох баримт үгүйсгэгдэх, зарим нэг шалгах ажиллагаанууд устаж үгүй болох ийм сөрөг талтай. Н.Номтойбаярын бүрэн эрхийг түдгэлзүүлэхгүй байсан ч шалгах ажиллагаа явагдана гэлээ. Хууль зүйн байнгын хорооны хуралдаан хаалттай горимоор хуралдаж байна.