Эрүүл мэндийн яамнаас коронавирусийн нөхцөл байдлын талаар ээлжит мэдээллийг хийлээ. Мэдээллийн үеэр ХӨСҮТ-ийн захирал Т. Нямсүрэн “2020 оны дөрөвдүгээр сарын 9-ны байдлаар ХӨСҮТ болон Монгол улс даяар сэжигтэй тохиолдол бүртгэгдээгүй. Замын- Үүдэд тусгаарлагдсан сэжигтэй тохиолдлын шинжилгээнд коронавирус илрээгүй. Мөн Сэлэнгэ аймагт батлагдсан хүний ойрын хавьталд халдвар илрээгүй. ХӨСҮТ-д 206 хүн хянагдаж эмчлэгдэж байна” гэлээ.