Дүүргийн хэмжээнд хог тээвэрлэлтийг эрчимжүүлж ажиллах үүргийг өгсөн. Үүний дагуу "Тохижилт цэвэрлэгээ үйлчилгээ" ОНӨААТҮГ, "Тээвэрлэлт үйлчилгээний төв" ОНӨААТҮГ-ууд шөнийн тээвэрлэлтийг нэмэгдүүлж ажиллаж байна.

Мөн амралтын өдөр буюу хагас бүтэн сайнд хог тээвэрлэлт хэвийн явагдаж байгаа юм.

Энэ амралтын өдрүүдэд 17 хорооны 112 аж ахуйн нэгж, байгууллага, 8325 өрхийн 706,2 тн хог хаягдлыг 36 автомашин 102 рейсээр нарангийн төвлөрсөн хогийн цэгт хүргэн ажиллалаа. Нийтийн эзэмшлийн зам талбайд 115 үйлчлэгч ажиллаж, 632500 м2 талбайн хог хаягдлын цэвэрлэгээ үйлчилгээг хийж гүйцэтгэлээ.