Батлан хамгаалах яамны Төрийн нарийн бичгийн даргын тушаалаар байгуулагдсан дэд ажлын хэсэг эрсдэлийн хяналт, шалгалтыг энэ өдөр Цэргийн дуу бүжгийн Эрдмийн чуулга дээр зохион байгууллаа.

Бригадын генерал М.Мөнхбаяраар ахлуулсан шалгалтын комисс бие бүрэлдэхүүний амь нас, эрүүл мэндийн аюулгүй байдал, техник хэрэгсэл, материаллаг нөөц, барилга байгууламж, инженерийн дэд бүтэц, галын болон хөдөлмөрийн аюулгүй байдал, мэдээллийн аюулгүй байдлын чиглэлээр үүсэж болзошгүй эрсдэлийг үнэлж дүгнэлээ.

Тус шалгалтыг Улсын онцгой комиссын даргын баталсан нэгдсэн удирдамж, батлан хамгаалахын эрсдэлийн удирдлага, зохицуулалтын арга зүйн заавар, батлан хамгаалахын сайдын холбогдох тушаал, шийдвэрийн хүрээнд зохион байгуулж байна.