Үргэлжилсэн аадар борооны улмаас Гачууртын ам чиглэлийн авто замд ус ихээр тогтож, зарим тээврийн хэрэгсэл зорчих боломжгүй нөхцөл үүссэн.

Дүүргийн шуурхай алба, холбогдох байгууллагууд газар дээр нь ажиллаж усанд саатсан 2 тээврийн хэрэгслийг татан гаргаж аюулгүй зорчих нөхцлийг бүрдүүлж  нийтийн эзэмшлийн талбайд тогтсон усыг соруулах ажлыг шуурхай зохион байгууллаа.

Иргэдийн аюулгүй байдлыг хангах, үерийн эрсдэлийг бууруулах чиглэлээр шуурхай албад шөнийн турш тасралтгүй ажиллаж, нөхцөл байдлыг хяналтдаа аваад байна.

Иргэд та бүхэн үргэлжилсэн борооны үеэр үер ус ихтэй зам, голын ай сав орчимд зорчихдоо анхаарал болгоомжтой байхыг зөвлөж байна.