Нохойн толгойг ширээн дээр залахаар шороон дээр унана гэж монголчуудын нэг ёож үг бий. Юм үзэж, нүд тайлаагүй хурган дарга нар төрийн өндөр сэнтийд залрахаараа ХУУЛЬ ЗӨРЧИЖ, МӨНГӨ ШАМШИГДУУЛЖ, ХУВИЙН ЭРХ АШГАА өмнөө урьтал болгодог.  Тэд хууль зөрчихдөө хамгаас гаргуун. Үүний нэг жишээ нь Багахангай дүүргийн Засаг дарга А.СҮХБОЛДЫН Ерөнхийлөгчийн зарлигаас давсан “УУЛ ОВОО ТАХИХ ЁСЛОЛ” үйлдсэн шийдвэр юм.

ТӨРИЙН ТАХИЛГАТАЙ УУЛ ОВООНЫ ТЭНГЭРИЙГ ТАЙХ ТАХИЛГЫН ЁСЛОЛЫН ЖУРАМ-д Богдхан хайрхан уул, Бурхан халдун уул, Суврага хайрхан уул, Хан Хөхий уул, Сутай хайрхан уул, Алтан Хөхий уул, Отгонтэнгэр уулын тэнгэрийг тайх, Дарьгангын Дарь овоо зэрэг тахих төрийн тахилгатай уулсын тайлга тахилгын /цаашид “ёслол” гэх/ ёслолд төрийн оролцоо, ёслолыг үйлдэх газар, санхүүжилт болон бусад зүйлсийг журамлан тогтооно” гэж заажээ.

Уг журмын НЭГДҮГЭЭР БҮЛЭГ нь ганцхан заалттай атал А.Сүхболд дарга 1,5 дахь заалт гэж байхгүй зүйл заалтыг захирамждаа үндэслэсэн байна.

Түүнчлэн, 3.Төрийн байгууллага, албан тушаалтан хууль тогтоомжид зааснаас бусад тохиолдолд сүм хийдийн дотоод хэрэгт хөндлөнгөөс оролцохыг хориглоно гэсэн “ТӨР, СҮМ ХИЙДИЙН ХАРИЛЦААНЫ ТУХАЙ”- хуулийг зөрчжээ.  2025 оны 06 сарын 13-ний өдөр Багахангай дүүргийн нутаг дэвсгэрт байрлах “Тахилгат овоо”-г тайх ёслолыг ТӨСВИЙН 2,9 САЯ ТӨГРӨГӨӨР үйлджээ.

Ингэхдээ дөрвөн ламаар ном уншуулж, ЛАМ БАГШДАА 400 мянган төгрөг, наад гурван ламд нь тус бүр 200 мянга, нийт НЭГ САЯ ТӨГРӨГ өгсөн байна. Арвай, буудай, арц хүж, ганга, шар тос, сүү, аяга, хоол, мах, арвайн гурил, АРХИ, зул, барам, хоол зэрэгт ТӨСВИЙН МӨНГИЙГ ЗАРЦУУЛЖЭЭ.