УИХ- ын гишүүн П.САЙНЗОРИГ Засгийн газрыг огцруулах гарын үсэг цуглуулж эхэлсэн гэдгээ мэдэгдэх хэвлэлийн хурлын үеэр "Монгол Улсын Төрийн сангийн данс улайсан. Цалингаа тавьж чадахгүй хэмжээнд хүртлээ муудсан. Удахгүй ДЕФОЛТ ЗАРЛАНА. Саяхан ОУВС-ийн төлөөлөл ирж ажилласан. Сангийн яам тэднээс буцалтгүй тусламж авахаар болсон" хэмээн улстөрийн зорилготой мэдэгдэл хийсэн юм. Үүний хариуд Сангийн сайд Б.ЖАВХЛАН "Юун түрүүнд Монгол төрийн төсөв санхүүгийн асуудал хэвийн явж байгаа гэдгийг хариуцлагатайгаар мэдэгдье. Зориудаар ийм худал мэдээлэл тарааж байгаа харамсаж байна" гэлээ.