МАН-ын даргын тамга тэмдэг, сандал суудлын зодоон хэмжээнээсээ хальж МОНГОЛ ТӨРИЙН ОРДОНД МУУР ХУЛГАНА БОЛЖ ТОГЛОДОГ, ээлжилж улстөрийн мэдэгдэл хийдэг сэдэв боллоо. Ээлж ёсоор өнөөдөр Засгийн газрын талаас хүч нэмэгдүүлсэн байдлаар УЛСТӨРИЙН МЭДЭГДЭЛ хийж, УИХ-ын дарга Д.АМАРБАЯСГАЛАНГ ажлаасаа түдгэлзэж шалгуулахыг шаардлаа. УИХ-ын гишүүн, ХХААХҮ-ийн сайд Ж.ЭНХБАЯР "Улс удирдаж байгаа хүн ийм ёс суртахуунгүй, нэр бохир байж болохгүй. Түүний нэр холбогдсон хэрэг нь ҮНДЭСНИЙ АЮУЛГҮЙ БАЙДАЛД ХАЛТАЙ зүйл байх шиг байна. Үтэр түргэн шалгуулах ёстой. " гэв.