Аймаг, орон нутгийн удирдлагууд, Засаг даргын Тамгын газрын Цэргийн штаб, дайчдын гэр бүл, ах дүү төрөл төрөгсөд, анд нөхөд Батмөнх Даян хааны талбайд цуглан, цэрэг эрсээ ёслол төгөлдөр угтан авлаа.

Эх орныхоо төлөө өргөсөн тангарагтаа үнэнч байж, хуулиар хүлээсэн үүргээ нэр төртэй биелүүлсэн эдгээр алба хаагчид цэргийн албанд байх хугацаандаа орчин үеийн зэвсэг, техник хэрэгслийг эзэмшиж, эх орныхоо дархан хил, тусгаар тогтнолыг хамгаалах үүргээ нэр төртэй гүйцэтгэсэн байна.