Чингэлтэй дүүргийн 117-р сургууль нь хүйтний улиралд сард 20-30 тонн нүүрс хэрэглэдэг. Дэд бүтцийн асуудлаас үүдэж, төвийн шугамд холбогдоогүй тус сургууль өнөөдрөөс эхлэн хийн түлшний систем рүү шилжиж байна. Агаарын бохирдлыг бууруулах, утаагүй шийдэлд шилжих зорилтын хүрээнд “Бороо гоулд” ХХК ААН-ийн татварын 1 хувийн хөнгөлөлтийн хуулийн дагуу төслийг санхүүжүүлж, гүйцэтгэгчээр “Газком” ХХК ажиллахаар боллоо. Цаашид сургууль, цэцэрлэгүүдийн дулаалгыг утаагүй, эрчим хүчний хэмнэлттэй системд шилжүүлэх ажлыг дүүргийн хэмжээнд хэрэгжүүлэхээр төлөвлөж байна.