Цаг агаарын аюулт үзэгдлийн улмаас Цогт-Овоо сумаас 43 км зайд байрлах “Бортээг” багийн малчин, 42 настай иргэн А. малынхаа араас 2025.11.23-ны 14:00 цагийн үед явган гарснаас хойш эргэн ирээгүй гэх дуудлагын дагуу эрэн хайх ажиллагааг шуурхай зохион байгууллаа.

Эрлийн ажиллагаанд:

• Цогт-Овоо сумын Онцгой комиссын 4 машин, 27 хүн,

• Цагдаагийн газраас 2 машин, 12 албан хаагч,

• Онцгой байдлын газраас 2 машин, 9 албан хаагч,

мөн нутгийн малчид нэгдэн оролцож алга болсон иргэнийг 07:10 цагт эсэн мэнд олж, ар гэрт нь хүлээлгэн өглөө.

Эрэн хайх ажиллагаанд оролцсон нийт бие бүрэлдэхүүн, Цогт-Овоо сумын Онцгой комисс, аймгийн Онцгой комисс, Онцгой байдлын газар, Цагдаагийн газар, нутгийн малчид та бүхэнд гүн талархал илэрхийлье.

Өмнөговь аймгийн Иргэдийн Төлөөлөгчдийн Хурал Засаг даргын Тамгын газар