Насанд хүрээгүй хүүхдүүд мопед, скүүтер, суррон, цахилгаан дугуй унаж аваар осолд өртөж буй хэрэг зөрчил нэмэгдэж байгаатай холбоотойгоор Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлөөс салбар байгууллагуудтай хамтран холбогдох ажлыг үе шаттай хэрэгжүүлж байгаа билээ. Үүний нэг нь насны хязгаар тогтоож хязгаарлалт хийх талаар түрээсийн үйлчилгээ эрхлэгч аж ахуй нэгжүүдтэй санал солилцож, холбогдох ажил арга хэмжээг авч ажиллаж байна.