Оюунлаг, авьяаслаг, шашинлаг, дэлхийд зартай ЗАВХАНЧУУДЫН СПОРТЫН ИХ НААДАМ эл өдрүүдэд болж, шилдгүүдээ тодруулна. Спортын зургаан төрөлт тэмцээнд шалгарсан сум АВТОМАШИНЫ БАЙ ХҮРТЭХ энэ спорт наадамд Завхан аймгийн 22 сумаас цугласан 1700 орчим тамирчин эд хав, авхаалж самбаа, ур ухаан, сэц мэргэнээ сорин өрсөлдөж байна. Тэмцээний дундуур бид Завхан аймгийн Улаанбаатар хот дахь нутгийн зөвлөлийн тэргүүн Б. МӨНХ-ОРГИЛТОЙ цөөн хором ярилцлаа. 

Шашин соёлоороо улсдаа тэргүүлэгч, хүчирхэг, авьяаслаг тамирчдаараа дэлхийд данслагдсан Завхан нутгийнхан нэг доор цугларч спортоор өрсөлдөж байна. Нутгийн зөвлөлөөс анх удаагаа эв нэгдлийн бэлгэлэл спортын наадмыг зохион байгуулж байна уу?

Юуны өмнө Завхан нутгийнхандаа өвлийн тэргүүн сарын мэндийг хүргэе. Завхан аймгийн нутгийн зөвлөлөөс анх удаагаа Улаанбаатар хотод ажиллаж амьдарч буй 24 сумынхаа иргэдийг уулзан учруулж, нөхөрсөгөөр өрсөлдөж шилдгээ тодруулах СПОРТЫН ИХ НААДМЫГ ЗОХИОН БАЙГУУЛЖ байна. Нутгийнхан минь маш идэвхтэй оролцож, 1700 орчим хүн шилдгийн төлөө өрсөлдөж байна. Цаашдаа энэ арга хэмжээг тогтмолжуулж, жил болгон зохион байгуулна. Монгол төрийн 36 жилийн баяр наадам Яармагийн дэнжид зохион байгуулагдаж байсан утгыг бодож бид Яармаг дахь "БУЯНТ-УХАА" Спорт ордныг сонгож энд тэмцээнээ явуулж байгаа юм. 

Юм бүхэн утга учиртай, үр дүнтэй байдаг. Утга нь тийм бол учир зорилго нь чухам юу байх бол?

Сайхан асуулт байна. Нээрээ л аливаа зүйл утга ерөөлтэй байдаг. Энэ тэмцээний гол утга учир нь нутаг орныхоо ард иргэдийн ЭВ ЭЕИЙГ ЗАНГИДАХ, найрамдалт харилцааны үр дүнд хүчирхэг тамирчдыг төрүүлж алдаршуулах. Цаашлаад Завхан нутгаа, Монгол улсаа дэлхийд алларшуулах тамирчдыг бэлтгэн гаргах явдал. Мөн удаан уулзаагүй ах дүүс, нсйз нөхдийг уулзууоах, нутгийн зөвлөлийнхөө ажлыг идэвхжүүлж, эрчимжүүлэх гээд олон зорилготой. Өнөөдрийн арга хэмжээнд манай Завхан нутгаас ОЛИМП, ДЭЛХИЙН ДЭВЖЭЭНД НЭРЭЭ МӨНХӨЛСӨН паралимпын аварга, хөдөлмөрийн баатар Ч.СҮРЭНЖАВ, Дэлхийн зартай тамирчин Боксийн Баярсайхан гээд алдартнууд маань урилгаар ирж, нээлтэд оролцлоо шүү дээ. 

Спортын зургаан төрлийн нийлбэр дүнгээр шалгарсан сум ALPHARD автомашмн гардахаар байна. Бусад аймгуудаас ялгаатай нь бай мөрий сайтай байна шүү?

Нутгийн зөвлөл бол нийгэм, олон нийтэд үйлчилдэг, олон нийтийн оролцооны байгууллага. Бидний үйл ажиллагааны үр дүнд заавал ямар нэг бодит ажил бий болох ёстой. Тийм учраас шилдэг баг тамирчдын бай мөрий нь АВТОМАШИН байх болно гэж үзсэн. Нутгийн бизнесменүүд, пүүс компаниуд, иргэд ч энэ саналыг талархан дэмжиж хүлээн авч шагналын санг бүрдүүлсэн. Эхний хоёр байр нь автомашин, гуравдугаар байр эзэлсэн сум нь мотоцикл гардана. Шагналын машин нь тухайн сумынхаа ЗДТГ болон хүн эмнэлгийн салбарт ашиглагдана. Жил бүр зохион байгуулах гол учир нь энэ. Магадгүй 24 жилийн хугацаанд 24 сумынхаа тулгамдсан асуудлыг бодитоор шийдэж болно гэж алсыг харсанд байгаа юм. 

Завхан аймгийн нутгийн зөвлөлийн 2025 оны онцлох ажил нь хоёр хуваагдаад байсан бөхийн джвжээгээ нэгтгэлээ шүү дээ. Цаашда энэ мэт олон салбарт ажиллах байх, тийм үү? 

Тийм шүү. Аливаа спортын хамгийн гоё үр дүн бол ЭВ НЭГДЭЛ бхйдаг. Танихгүй нь танилцаж нөхөрлөө эхлүүлдэг бол талцаж муудалцсан нь эвэндээ орж, учраа оодог. Ийм учраас Завхан аймгийнхаа нэрийг олон жил гаргаж барилдсан бөхчүүдээ нэгэн дээвэр доор зангидаж, тус тусдаа байсан "ЗАВХАН", "ДАЯН" дэвжээгээ нэгтгэн "ЗАВХАН ДАЯН" Дэвжээ болгож тэргүүнээр нь ММСУХ-ны ерөнхийлөгч, Тод манлай уяач Д.ДАГВАДОРЖ гуайг сонгосон. Эв зүйтэй байгаа газраас аяндаа АМЖИЛТ, ЯЛАЛТЫН ЭЗЭД ТОДОРДОГ шүү дээ. 

Аливаа зүйлийг зохион байгуулж, өргөжүүлж хөгжүүлэхэд хамгийн чухал нь түншлэл хамтын ажиллагаа байдаг. Спортын наадмыг Завханы гаралтай ААН, пүүс компаниуд олноороо ивээн тэтгэсэн байна шүү.

Нутаг орноо гэсэн иргэдийн чин сэтгэлээр энэ бүхэн бүрдэж байна. Нутгийн бизнес эрхлэгчид, тэр дундаа Тод манлай уяач Д.Дагвадорж гуайдаа баярлалаа. Өргөл барьц, хандив тусламж, хөрөнгө чинээгүй бол бид энэ том ажлыг яаж амжуулахсан билээ дээ. Олон хүн, аж ахуй нэгжүүд зохион байгуулалтад нэгдэж, хамтарч байгаа. Тэр бүхэнд баярлалаа. Баг тамирчид, нутгийн зон олондоо спортын өндөр амжилт хүсье.