Тус хөтөлбөрт хамрагдахаар нийт 20 оюутан залуус материалаа ирүүлж, сонгон шалгаруулалтандаа оролцож 16 оюутан тус хөтөлбөрийн хүрээнд сургалтын төлбөрийн тэтгэлэг авч байна.

Энэхүү хөтөлбөр нь орон нутгийн хөгжлийн чухал салбарт дутагдалтай байгаа мэргэжлийн боловсон хүчнийг бэлтгэн, аймгийн хүний нөөцийг тогтвортой бүрдүүлэх зорилготой бөгөөд Хэнтий аймгийн Иргэдийн Төлөөлөгчдийн хуралд 2025 оны 06 дугаар сарын 23-ны өдрийн 06 дугаар хуралдаанаар батлагдсан юм.

Энэхүү хөтөлбөрт хамрагдсан залуус ирээдүйд аймгийнхаа эдийн засаг, нийгмийн хөгжилд үнэтэй хувь нэмэр оруулах, орон нутгийн ирээдүйг бүтээгч хүч болох юм.