Монгол Улсын Их Хурлын 2012 оны тогтоолоор энэ өдрийг “Монгол бахархлын өдөр” хэмээн нэрлэж, Чингис хааны мэндэлсэн өдөр хэмээн албан ёсоор тэмдэглэж эхэлсэн.

Эзэн Чингис хаан бол Монголын эзэнт гүрнийг байгуулагч, төр улсаа нэгтгэн төвхнүүлсэн, дэлхийн түүхэнд гүн ул мөрөө үлдээсэн их хүний нэг билээ. Түүний төрсөн өдрийг Монгол түмний эв нэгдлийг бэхжүүлэх, түүх соёл, бахархлаа сэргээх зорилготойгоор тэмдэглэдэг.