Дүүргийн хэмжээнд хороо тус бүрд 1 бүтээн байгуулалтын ажил нийслэлийн хөрөнгө оруулалтаар өрнөж байгаа. Эдгээр ажлуудын явц, гүйцэтгэлтэй өнөөдөр Улаанбаатар хотын захирагчийн ажлын алба, дүүргийн Захиалагчийн алба ОНӨААТҮГ, Дэд бүтцийн хөгжлийн алба ОНӨААТҮГ болон Тохижилт, нийтийн аж ахуйн хэлтсийн мэргэжилтэн нар танилцлаа.

Одоогийн байдлаар 15 хороонд бүтээн байгуулалтыг Дэд бүтцийн хөгжлийн алба ОНӨААТҮГ гүйцэтгэж байгаа бөгөөд эдгээрээс 3, 17, 18, 20 дугаар хороонд автомашины зогсоол, 3x3 сагсан бөмбөгийн талбай барьж байгуулах ажил дууссан бол бусад хорооны бүтээн байгуулалт 30-90 хувийн гүйцэтгэлтэй үргэлжилж байна. Үлдсэн 25 хороонд бүтээн байгуулалтын ажлыг үе шаттайгаар гүйцэтгэх юм.