Дүүргийн 24 дүгээр хороонд шинээр 120 ортой цэцэрлэг, 180 хүүхдийн хүчин чадалтай бага сургууль өнгөрөгч 09 дүгээр сарын нэгнээс эхлэн үйл ажиллагаагаа эхлүүлсэн.

Бага сургууль, цэцэрлэгийн цогцолбор барилга ашиглалтад орсноор хамран сургах тойргийн 186 хүүхэд гэртэйгээ ойрхон сургуульд суралцах боломжтой болсонд миний бие баяртай байна. Учир нь Баруун салаа орчимд сургууль байгаагүй учраас хүүхдүүд хичээлдээ явахын тулд хол газрыг туулдаг байсан.

Өнөөдөр шинэ сургуулийн нээлтийн үйл ажиллагаа боллоо. Уг сургууль нь Сонгинохайрхан дүүргийн хэмжээнд 30 дахь сургууль болон үүд хаалгаа нээж байгаа нь энэ юм. Цаашид ч гэсэн бид сургууль, цэцэрлэгийн хүртээмжийг нэмэгдүүлэхэд анхаарч ажиллана.