Өмнөговь аймагт уул уурхайн чиглэлээр үйл ажиллагаа явуулж буй 15 аж ахуйн нэгж, мөн уул уурхай бүхий Цогтцэций, Баян-Овоо, Баяндалай, Ханхонгор, Мандал-Овоо, Ноён, Гурвантэс сумдын удирдлагууд болон хамтын ажиллагааны хорооны гишүүдийг чадавхжуулах зорилгоор “Орон нутгийн хамтын ажиллагаа ба хариуцлагатай уул уурхай” сэдэвт сургалтыг 2025 оны 10 дугаар сарын 6-ны өдөр Улаанбаатар хотод амжилттай зохион байгууллаа.

Уг арга хэмжээг Өмнөговь аймгийн Засаг даргын Тамгын газар, “Монголын тогтвортой хөгжил, нийгмийн хариуцлагын зөвлөл” ТББ, “Монголын уул уурхайн үндэсний ассоциаци”, “Нээлттэй нийгэм форум”, болон “Оюу Толгой” ХХК хамтран зохион байгуулсан бөгөөд оролцогчдод хариуцлагатай уул уурхай, орон нутгийн оролцоо, хамтын ажиллагааг сайжруулах чиглэлээр онол, туршлага, сайн жишээг хуваалцсан ач холбогдолтой сургалт боллоо.