2026 оны 02 дугаар сарын 26-ны өдөр “Японы хөрөнгө оруулалтын 7 хоног” арга хэмжээний хүрээнд Эдийн засаг, хөгжлийн яам, Монгол дахь Японы худалдаа, аж үйлдвэр эрхлэгчдийн холбоотой хамтран “Бизнесийн орчны тогтвортой байдал, ил тод байдлыг сайжруулах нь” сэдэвт хэлэлцүүлгийг Хөрөнгө оруулагчдын эрх ашгийг хамгаалах төвд зохион байгуулах гэж байна.

Тус арга хэмжээ нь хоёр улсын эдийн засаг, хөрөнгө оруулалтын хамтын ажиллагааг гүнзгийрүүлэх, хөрөнгө оруулагчдын эрх зүйн орчныг сайжруулах, бодлогын тогтвортой байдлыг бэхжүүлэхэд чиглэнэ.

Хэлэлцүүлгийн хүрээнд макро эдийн засгийн орчин, хөрөнгө оруулалтын хамгаалалт, маргаанаас урьдчилан сэргийлэх, гомдол шийдвэрлэх механизмын бодлогын шинэчлэл, цахим бизнесийн платформ сэдвүүдээр танилцуулга хийж, оролцогчдын дунд нээлттэй хэлэлцүүлэг өрнүүлэхээр төлөвлөж байна.

Энэхүү арга хэмжээ нь бизнесийн орчны ил тод, тогтвортой байдлыг хангах, хөрөнгө оруулагчдад чиглэсэн төрийн үйлчилгээний хүртээмж, үр ашгийг нэмэгдүүлэхэд чухал ач холбогдолтой юм.