МОНГОЛ УЛСЫН ШАДАР САЙД Х.ГАНХУЯГ МОНГОЛЫН УЛААН ЗАГАЛМАЙ НИЙГЭМЛЭГТ АЖИЛЛАЛАА

Үйл явдал

2 цаг 15 мин

Монгол Улсын Шадар сайд Х.Ганхуяг Гамшгийн тухай хуулийг хэрэгжүүлэх, хүмүүнлэгийн үйл ажиллагаанд иргэдийн оролцоог нэмэгдүүлэх, эрсдэлийг даван туулах, олон нийтийн чадавхыг сайжруулах, нийгмийн эмзэг байдлыг бууруулахад шаардлагатай тусламж, дэмжлэгийн талаар санал дүгнэлт боловсруулах зорилгоор Шадар сайдын ахлах зөвлөх А.Даваажаргал, Онцгой байдал хариуцсан зөвлөх М.Батбаяр, Улсын онцгой комиссын Нарийн бичгийн дарга Т.Баярхүү болон холбогдох албаныхантай Монголын Улаан загалмай нийгэмлэгт ажиллав.

Энэ үеэр олон нийтийн оролцоонд тулгуурласан урьдчилан сэргийлэх сургалт сурталчилгаа зохион байгуулах, болон хүмүүнлэгийн үйл ажиллагаа явуулахад нөхцөл бололцоо хэрхэн бүрддэг талаар МУЗН-ийн Ерөнхий нарийн бичгийн дарга Н.Болормаа танилцуулж гамшгийн эрсдэлийг бууруулах, урьдчилан сэргийлэх, хамгаалах, нөхөн сэргээх үйл ажиллагааны үед ашиглах техник хэрэгсэл, хувцас, эд зүйлтэй танилцлаа.

Мөн Гамшгаас урьдчилан сэргийлэх олон нийтийн мэдлэгийг дээшлүүлэх, бэлэн байдлыг хангах, нөхөн сэргээх Гамшгаас хамгаалах үйл ажиллагаанд хууль эрх зүйн хүрээнд ямар дэмжлэг шаардлагатай байгаагаа Монгол Улсын Шадар сайдад уламжиллаа.

Цаашид Засгийн газар-Улаан Загалмай нийгэмлэгийн хамтын ажиллагааг өргөжүүлж нийгмийн эмзэг байдлыг бууруулах, гамшгаас урьдчилан сэргийлэх, гамшгийн үед хүмүүнлэгийн тусламж үзүүлэх, гамшгийн хариу арга хэмжээ авах, бэлэн байдлыг хангах, гамшгийн дараах нөхөн сэргээх нийгмийн сэтгэл зүйн дэмжлэг үзүүлэх үйл ажиллагаа, хууль эрх зүйн орчинг сайжруулахад анхаарч ажиллахаа илэрхийллээ.

Энэ мэдээ танд ямар санагдав?

Сэтгэгдэл:

Таны IP: (216.73.216.181)

АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.