СЭЛЭНГЭ АЙМАГТ БАРИГДАХ ДУЛААНЫ ЦАХИЛГААН СТАНЦЫН ДЭД БҮТЦИЙН СҮЛЖЭЭНД ХОЛБОХ ШУГАМЫГ УЛСЫН ТӨСВӨӨР ГҮЙЦЭТГЭНЭ ✅
УИХ-ын дарга Н.Учрал, УИХ дахь МАН-ын Бүлгийн дарга Ж.Батжаргал тэргүүтэй Төвийн бүсээс сонгогдсон УИХ, Засгийн газрын зарим гишүүдийн хамт Сэлэнгэ аймагт ажиллан орон нутгийн иргэдтэй уулзлаа.
Уулзалтын үеэр УИХ-ын гишүүн Сангийн сайд Б.Жавхлан улсын төсвийн хөрөнгө оруулалтаар төвийн бүсэд хийгдэх ажил, арга хэмжээний талаар мэдээлэл өгөв. Сэлэнгэ аймагт баригдаж буй дулааны цахилгаан станцыг дэд бүтцийн сүлжээнд холбох агаарын болон газар доорх шугамын бүтээн байгуулалт, Сайхан суманд баригдах спорт цогцолборын санхүүжилтийг улсын төсвийн хөрөнгөөр хэрэгжүүлэхээр болсныг дуулгасан.
Сэлэнгэ аймаг нь Монгол улсын үр тарианы 40 орчим хувийг үйлдвэрлэдэг. Хаврын тариалалт эхлэх дөхсөн энэ цаг үед 2025 оны хөдөө аж ахуйн салбарын урамшууллыг бүрэн олгож дууссан таатай мэдээг тариаланчид талархан хүлээж авсан юм.
Нутгийн иргэд тойргийн гишүүддээ хандан хөдөө аж ахуй, газар тариалангийн чиглэлийн сургууль байгуулах, стратегийн чухал байршил, хилийн боомтыг харгалзан аймгийг хотын статустай болгох асуудлыг хөнджээ. Хотын статустай болсноор Дархан хотын жишгээр хөгжил, хөрөнгө оруулалтын шинэ боломжууд нээгдэнэ гэж иргэд үзэж байна.
Энэ мэдээ танд ямар санагдав?
0
0
0
0
0
0
Сэтгэгдэл:
Таны IP: (216.73.217.89)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
-
15 цаг 45 мин -
19 цаг 12 мин -
19 цаг 16 мин -
19 цаг 33 мин -
21 цаг 14 мин
