Жижиг, дунд үйлдвэрийн газрын дарга Я.Эрдэнэсайхан, ШУТИС-ийн Эрдэм Шинжилгээ, Инновац эрхэлсэн проректор Д.Цолмонбаатар нар 2026 оны 03 дугаар сарын 27-ний өдөр хамтран ажиллах санамж бичигт гарын үсэг зурлаа.

 Жижиг, дунд үйлдвэр, үйлчилгээг дэмжих тухай хуульд заасан төрийн бодлогын чиглэлийн хэрэгжилтийг хангах хүрээнд ЖДҮҮЭ-ийг зээлд суурилсан дэмжлэгээс гадна бойжуулах, хөгжүүлэх, чадавхжуулах, инновац, технологид суурилсан тогтвортой өсөлтийг хангах, их дээд сургууль–төр–бизнесийн хамтын ажиллагааны тогтолцоог бүрдүүлэх чиглэлээр хамтран ажиллах зорилгоор байгуулсан уг санамж бичигт тухайлбал; 

• ЖДҮҮЭ, бизнес эрхлэгчдэд зориулсан богино хугацааны түр сургалтыг зохион байгуулах, зэргийн бус хамтарсан сургалтын хөтөлбөрүүд боловсруулж хэрэгжүүлэх
• ЖДҮГ-ын үйл ажиллагаа, хөгжлийн төлөвлөгөө боловсруулах ажилд ШУТИС-аас мэргэжлийн зөвлөх үйлчилгээг гэрээгээр үзүүлэх;
• Зээлийн төсөл боловсруулах, техник эдийн засгийн үндэслэл боловсруулах, технологийн болон бүтээмжийн үнэлгээ хийх зэрэг зөвлөх үйлчилгээг үзүүлэх чиглэлээр хамтран ажиллах;
• Судалгаа шинжилгээ, инновацын ажил, төсөл, хөтөлбөр, арга хэмжээг хамтран хэрэгжүүлэх;
• ШУТИС-ийн багш, оюутны судалгааны ажлын үр дүнд бий болсон бүтээлийг ЖДҮГ-ын үйл ажиллагаа, бизнес эрхлэгчдэд дамжуулах, турших, нэвтрүүлэхэд бодлогоор дэмжин ажиллах;
• Гарааны компани, жижиг дунд үйлдвэрийг хөгжүүлэх судалгаа-туршилт хэрэгжүүлэх, технологи бойжуулах, дамжуулахад дэмжлэг үзүүлэх
• Оюутан, залуусыг харилцан тохиролцсон хөтөлбөр, удирдамжийн дагуу дадлага хийлгэх;
• Жижиг, дунд үйлдвэрийн газраас зохион байгуулах арга хэмжээнд багш, ажилчид, оюутнуудыг оролцуулах талаар ШУТИС санаачилгатай ажиллах;
• ЖДҮГ болон орон нутгийн ЖДҮҮ хариуцсан мэргэжилтнүүд ШУТИС-ийн ахисан түвшний сургуульд суралцахад хөнгөлөлт олгох, дэмжлэг үзүүлэх; гэх зэрэг чиглэлүүд дурдагджээ.