Жүдо бөхийн Ази тивийн аварга шалгаруулах тэмцээн ӨМӨЗО-ы Ордос хотод амжилттай болж өндөрлөлөө. Тэмцээний сүүлийн өдөр багийн барилдаанууд явагдаж, Монгол Улсын шигшээ баг аваргын алтан медалийн эзэн боллоо.

Манай баг Д хэсгийг тэргүүлснээр эхний тойрогт гоц мөргөсөн бөгөөд хэсгийн аваргын төлөө Киргизстаны шигшээ багтай учраа тааран 4:2-оор ялалт байгуулсан юм. Үүний дараа Узбекистаны багийг 4:3-ын харьцаатайгаар буулган авч, алтан медалийн төлөө шалгарав.

Шийдвэрлэх барилдаанд Монголын шигшээ баг Казахстаны багийг 4:0-ээр илүүрхэн ялснаар багийн төрөлд Азийн аваргын алтан медаль хүртлээ.