Монгол Улсын Төрийн шагналт, Соёлын гавьяат зүтгэлтэн, зохиолч, яруу найрагч, сэтгүүлч Шагдарсүрэнгийн Гүрбазарыг сүүлчийн замд нь үдлээ. Талийгаачтай салах ёс гүйцэтгэх ажилд Ерөнхийлөгч У.Хүрэлсүх, Ерөнхий сайд Н.Учрал, ССАЖЗ-ын сайд Ж.Алдаржавхлан, Дорноговь аймгийн нутгийн зөвлөлийн дарга Зам тээврийн сайд Б.Дэлгэрсайхан тэргүүтэй төрийн зүтгэлтнүүд, талийгаачийн ар гэр, хамаатан садан, утга зохиол, сэтгүүл зүй, соёл урлагийн салбарийн төлөөлөл, найз нөхөд, нутгийн зон олон нь оролцлоо. Талийгаачийн шарилыг Соёлын төв өргөөнөөс гүн хүндэтгэлтэйгээр залж, буяны цуваа хөдлөж оршуулгын газар руу хөдөллөө.