Өнгөрөгч дөрөв, тавдугаар сар хилийн цэргийн алба хаагчдад их харш байлаа. Нэг байлдагчийн амь хохирсон бол хоёр ч байлдагч дарга нарынхаа “алганы амтыг” даалгүй бэртэж, гэмтэв. Эв эрүүл, сав саруул аавын хүүг албанд татчихаад амьгүй болгож, эрхтэн дутуу болгож халж явуулдаг “гаж жишиг” ХХЕГ-ын дарга, хошууч генерал Ж.БЯМБАСҮРЭНГИЙН удирдлагын үед бий болчихож байгаа нь харамсалтай.

Цэргүүд нь харамсалтайгаар бэртэж, амь эрсдэх болгоны тоолонгоор дарга нар нь тушаал ахиж, цол нэмж, мөрдэсээ дүүргэдэг нь цаанаа л сонин. Одоо байтлаа цэргүүдийн амь нас, эрүүл мэндийг золигт гаргаж ШИНЭ “ЛАНД-300” авч унах хэмжээнд хүчрихсэн байгаа нь харамсалтай.

Тодруулбал, ХХЕГ-ын дарга хошууч генерал Ж.БЯМБАСҮРЭН нь татвар төлөгчдийн 230 сая төгрөгөөр туулах чадвар сайтай “Land Gruiser 300” маркийн хар саарал өнгөтэй, 2026 оны шинэ жийп авч унахаар тендер зарлажээ.