Энэ жил олон улсын музейн өдрийг "Хуваагдмал дэлхийг нэгтгэж буй музейнүүд" уриатайгаар тэмдэглэж байгаатай холбогдуулан УБТЗ-ын музей "Бидний төмөр зам" сэдэвт гар зургийн уралдааныг ЕБС-ийн 1-5-р ангийн сурагчдын дунд зарлаж өнөөдөр Олон улсын хүүхдийн эрхийг хамгаалах өдрийн өмнө уралдаанаа дүгнэж байр эзэлсэн хүүхдүүдэд шагналыг нь гардууллаа. Уралдаанд нийслэлийн ЕБ-ын 20, 38, 73, 74, Плехановын дунд сургууль, "Хүрээ тулга" дунд сургууль болон Сайншандын дунд сургуулийн сурагчид идэвхтэй оролцож нийт 104 бүтээл ирүүлснээс

Тэргүүн байранд:

Нийслэлийн ЕБ-ын 73-р дунд сургуулийн 3д ангийн сурагч Э.Алтангэрэл

Дэд байранд:

Нийслэлийн ЕБ-ын 38-р сургуулийн 5-1 ангийн сурагч Б.Энэрэл

Удаах байранд:

"Хүрээ тулга" дунд сургуулийн 3-р ангийн сурагч Б.Ангараг-Үжин нар шалгарлаа. Мөн шилдэг 10 бүтээлийг УБТЗ-ын музейд 3 сарын турш үзэгчдийн хүртээл болгох юм. Шагналыг "УБТЗ" ХНН-ийн нийгмийн асуудал хариуцсан замын орлогч дарга А.Батболд гардуулж баяр хүргэлээ. Мөн байр эзэлсэн хүүхдүүдтэй халуун дотно яриа өрнүүлж, амжилт хүслээ.