Улаанбаатар дулааны сүлжээ ТӨХК-аас нийслэлийн дулаан хангамжийн шугамын засвар, шинэчлэлийн ажлыг хийж байгаа.

Энэ хүрээнд Даваа гариг буюу долодугаар сарын 27-ноос наймдугаар сарын 5-ныг дуустал долоо хоногийн хугацаанд дараах байршлуудын орон сууц, ААН, байгууллагын халуун усыг хязгаарлаж, засвар, шинэчлэлийн ажлыг гүйцэтгэнэ.

Халуун ус хязгаарлах бүс, хороолол: Төв гандан, Бөмбөгөр худалдааны төв, Баянбүрд төв, 7-р хороолол, Хангай хотхоны орчмын хэрэглэгчид, 100 айл, Хөгжим бүжгийн коллеж, 11-р хороолол орчим, КТМС, Цэцэг зочид буудал, 12-р хороолол орчмын хэрэглэгчид хамаарах юм. Мөн Тэнгис кино театр, Дипломат 95, Тахь Ко ХХК, Төрийн өмчийн V, XI-р байр, УДДТ-60, 62-с хангагддаг хэрэглэгчид хамаарах бол үүнээс гадна Женекс зочид буудал, Ой мод ХХК, УДДТ-59-с хангагддаг бүс хамаарч байна. Шугам засварын ажлын хүрээнд ДХ-623 цэгт таслах 1Ф700мм хаалт, ДХ-675 цэгт таслах 1Ф400мм хаалт, 1Ф250мм хаалт, ДХ-308-10 цэгт таслах 1Ф300мм голчтой хаалтуудыг тус тус шинэчлэн солино.