Орангутаны чихмэл тоглоом тэвэрсэн өхөөрдөм төрхөөрөө цахим орчинд алдаршсан Панч нэртэй макак сармагчин 2026 оны долдугаар сарын 26-ны ням гарагт нэг нас хүрлээ. Урьд нь бяцхан байсан тэрээр өдгөө бусад макакуудаас ялгарахааргүй том болсон бөгөөд төрсөн өдрийг нь тохиолдуулан дэлхийн өнцөг булан бүрээс фэнүүд нь 2,500 гаруй баярын мэндчилгээ илгээжээ.

Панчийн нэг насны ойд зориулсан үзэсгэлэнд Кобэ хотоос зорин ирсэн Күми Ишизава түүнийг анх энэ оны эхээр сошиал сүлжээгээр харсан тухайгаа ярьсан байна. Тэрээр Панчийн өхөөрдөм дүр төрхөөс урам авч, өвчнөө даван туулсны дараа заавал амьтны хүрээлэнд очиж өөрийн нүдээр харахыг өөртөө амласан гэв. Ишизава “Панч надад маш их урам өгсөн. Амласныхаа дагуу өнөөдөр энд ирж, түүнийг өөрийн нүдээр харж байгаадаа үнэхээр баяртай байна” хэмээн сэтгэгдлээ хуваалцжээ.

Мөн Ишикава мужийн оршин суугч Йей Лайтс Панчийн фэн болохоосоо өмнө амьтны хүрээлэнд бараг очиж байгаагүй аж. Харин одоо тэр жил бүр очих жилийн эрх худалдан авч, Панчтай тогтмол уулзахаар болсон байна.