НИТХ-ын Эдийн засаг, төсөв, хөрөнгө оруулалтын хорооны хуралдаанаар нийслэлийн дотоод, гадаад үнэт цаас, нийслэлийн өмчтэй холбоотой нийт дөрвөн асуудлыг хэлэлцэв. Дотоод үнэт цаас гаргах хүрээнд Дулааны V цахилгаан станц болон эрчим хүчний аюулгүй байдлыг бэхжүүлэх төслүүдийг санхүүжүүлэхээр төлөвлөв. Мөн Төв аймгийн Сэргэлэн суманд 100 МВт/400 МВт.ц батарей хуримтлуурын систем хэрэгжүүлнэ.

Хорооны гишүүд төслүүдийн эдийн засгийн үр ашиг, үнэт цаасны эргэн төлөлт, гадаад үнэт цаасыг дахин санхүүжүүлэх санхүүгийн тооцоог нарийвчлах шаардлагатайг онцолж, асуудлуудыг НИТХ-ын ээлжит бус XIV хуралдаанаар хэлэлцүүлэхийг дэмжлээ.