Баянзүрх дүүргийн Засаг дарга И.Баттөгс Хууль зүйн туслалцааны төвийн Баянзүрх дүүрэг дэх салбарын Улсын өмгөөлөгч, алба хаагчдыг хүлээн авч уулзлаа Хагас жилийн байдлаар Хууль зүйн туслалцааны төвийн алба хаагчид 680 иргэнд хууль зүйн зөвлөгөө, мэдээлэл өгч, 317 иргэнд өмгөөллийн үйлчилгээ үзүүлж, 1,500 орчим хүүхдэд хууль эрх зүйн мэдлэг олгох сургалтыг зохион байгуулаад байгаа юм.

Уулзалтаар салбарын ажлын байрыг батлагдсан стандартын шаардлагад нийцүүлж сайжруулах болон холбогдох бусад асуудлаар санал, мэдээлэл солилцлоо.

Мөн дүүргийн удирдлагуудын зүгээс байр захиалаад хохирсон болон санхүүгийн хүндрэлтэй нөхцөл байдлаас шалтгаалж хууль зүйн туслалцаа авч чадахгүй байгаа иргэдэд үнэ төлбөргүй дэмжлэг үзүүлж, энэ чиглэлд Хууль зүйн туслалцааны төвтэй нээлттэй хамтран ажиллахаа илэрхийллээ.