МАН-ын гал тогоог барьж Я.Содбаатар Засгийн газрын эсрэг ажилласан хэн ч байсан намаас хөөнө гэж хэллээ. Тэрбээр Төрийн ордонд хуралдсан удирдах зөвлөлийн хуралдаанд оролцсоныхоо дараа хэвлэлийнхэнтэй нүүр тулжээ. Сэтгүүлчид сүүлийн үед МАН-ын бүлгийн хагаралын талаар тодруулахад “МАН дотор 30/38-ийн бүлэг гэж байхгүй. Бүгд цул болсон. Зарим нэг сайдууд зарчмын зөрүүтэй ойлголт гаргаж нэр бүхий гишүүдийн нэрийг зарласан нь бий. Тэр бол хувь хүний асуудал. Намд хамаагүй. Үүнд гомдож Засгийн газрын эсрэг ажиллаж, намын нэр хүнд унагаж, Засгийн газраа огцрулуах акц үүсгэх, эсрэг кноп дарвал МАН-аас хөөнө” гэж хариулжээ.