Сонгуулиас хойш нэг хэсэг чимээгүй сууж, хувийн ажлаа төвхнүүлж амжсан УИХ-ын гишүүн асан О.Баасанхүү  АН-ын хууль зүйн асуудал эрхэлсэн нарийн бичгийн даргын албанд томилогджээ. 

Өнгөрсөн парламентын хүчтэй сөрөг хүчин болж, асуулт бүхнийг асууж, хамгийн их үг хэлсэн гишүүнээр тодорч байсан УИХ-ын гишүүн О.Баасанхүү МАХН-аас хөгдсөнийхөө дараа дөрөвдүгээр сард АН-д элсэж, намын дарга С.Эрдэнээс гишүүний батлахаа гардан авч, улмаар Орхон аймагт тус намаас УИХ-ын сонгуульд өрсөлдөн өвдөг шороодсон нэгэн.  О.Баасанхүү нь анх 1994 оны гуравдугаар сарын 7-нд АН-д гишүүнээр элсээд 17 жилийн дараа буюу 2011 оны нэгдүгээр сарын 26-нд тус намаас гарчээ. Тиймээс АН-ын дарга С.Эрдэнэ О.Баасанхүүд намынхаа гишүүнчлэлийг сэргээж байсан юм.