Сургалтад дүүргийн Засаг даргын Инноваци, хөгжлийн асуудал хариуцсан орлогч Х. Алтаншагай, Хүнс, худалдаа үйлчилгээний хэлтсийн дарга Б.Саруул-Од, УБЗАА-ны Хүнс үйлдвэрлэл, худалдаа үйлчилгээний хэлтсийн мэргэжилтэн Ч.Октябрь, НТГ-ын татварын байцаагч А. Хүрэлмаа, нийслэлийн Хүнс, хөдөө аж ахуйн газрын ахлах мэргэжилтэн Ч. Батхүү нар оролцов.

 

Уг сургалтыг Улаанбаатар хотын Ерөнхий менежерийн 2021 оны “Нийслэлийн хүн амын махны хангамжийг бүрдүүлэх, үнийг тогтвортой хадгалах талаар авах зарим арга хэмжээний тухай” А/259 дүгээр тушаалын хэрэгжилт, нөөцийн мах худалдан борлуулах үеийн бэлтгэл, бэлэн байдлыг хангуулах зорилгоор зохион байгуулж байгаа юм.

 

Нийслэлийн хүн амын 2021 оны хаврын махны хэрэгцээг жигд хүртээмжтэй байлгах үүднээс Чингэлтэй дүүргийн 1-19 хороодын 48 аж ахуйн нэгж байгууллага 2021 оны 07 дугаар сар хүртэл нөөцийн мах худалдан, борлуулахаар бэлэн байдлыг ханган ажиллаж байна.

 

Нөөцийн мах худалдан борлуулахаар бэлтгэгдсэн нийт 48 хүнсний дэлгүүрийн мах нөөцлөх, борлуулах нийт хүчин чадал 28.8 тонн буюу дундаж хүчин чадал 0.6 тонн байна.