Коронавирусийн дэгдэлт 170 гаруй улсад тархаад байгаатай холбоотойгоор Улсын Онцгой комисс хуралдаж дараах шийдвэрүүдийг гаргалаа.

Боловсролын салбарт: Бүх төрлийн сургалтын байгууллагын үйл ажиллагааг хязгаарласан зохицуулалтыг сунгаж 2020 оны 04 дүгээр сарын 30 Пүрэв гараг хүртэл сунгалаа. Өндөржүүлсэн бэлэн байдал дууссаны дараа буюу 4 сарын 30 өдрөөс эхлэн хичээллээд 06 дугаар сарын 06-нд бага анги, 06 сарын 13-нд ахлах, дунд ангийн сурагчид амарна.

Их дээд сургууль мөн 06 сарын 12 хүртэл хичээллээд намар 08 дугаар сарын 15-ний өдрийн Даваа гарагаас хичээллэх зохицуулалт хийлээ. Харин ЭЕШ-ыг УИХ-ын сонгуулийн дараа буюу 07 дугаар сарын 02-с 05-ний хооронд авахаар боллоо.