Монгол Улсын иргэдээ татан авах Улаанбаатар-Стамбул чиглэлийн OM7161 дугаартай тусгай нислэг өнөөдөр /2020.03.18/ өглөө 06:46 цагт хөөрч, Стамбулд орон нутгийн цагаар өглөөний 10:22 цагт буухаар тооцож байна. Тус нислэгээр 102 зорчигч, 4012 кг карго, 197.8 кг шуудан тээвэрлэж явсан бол Стамбул-Улаанбаатар чиглэлийн OM7262 дугаартай #тусгай_нислэг Стамбулаас орон нутгийн цагаар 11:40 цагт хөөрч, Улаанбаатарт 2020.03.19-ний 01:00 цагт буухаар төлөвлөж байна.

Тус нислэгээр Монгол Улсын 256 иргэн, 9 тонн карго тээвэрлэн ирэх бөгөөд Зам, тээврийн хөгжлийн яам нь холбогдох байгууллагуудын хамт дээрх үйл ажиллагаатай холбоотой бэлэн байдлыг ханган ажиллаж байна.

#ЗамТээврийнХөгжлийнЯам #ИНЕГ #МИАТ #УБТЗ #АТҮТ