Улаанбаатараас Токио чиглэлийн нислэг үйлдэх онгоц маргааш буюу дөрөвдүгээр сарын 2-ны 13:05 минтуд хөөрч, Токиод орон нутгийн цагаар 19:00 цагт буухаар болсон талаар ГХЯ-ны Консулын газрын захирал Л.Мөнхтүшиг мэдээллээ.

Харин Токиогоос буцаж ирэх зорчигчдын цагийн хуваарьт өөрлөлт ороогүй бөгөөд МИАТ-ын онгоц нэг хонож дөрөвдүгээр сарын 3-ны өглөө 08:30 минутад Улаанбаатар хот руу нисэж, 13:05 цагт газардах юм байна. 

Сөүл явах нислэгийн хуваарьт өөрчлөлт ороогүй. 

Маргааш өглөө 08:40 цагт хөөрч, 12:50 цагт Сөүлд буугаад 14:20 цагт Улаанбаатар руу нисэж, 17:00 цагт газардах хуваарь гарчээ.

Энэ үеэр Эрүүл мэндийн дэд сайд Л.Бямбасүрэн мөн мэдээлэл өглөө.

 “Урьдчилсан судалгаагаар

1. Сөүл-Улаанбаатар чиглэлийн тусгай үүргийн онгоцоор 251 зорчигч ирэхээс жирэмсэн 17, өндөр настан 56 хүн болон 0-16 насны 21 хүүхэд байна.
2. Токио-Улаанбаатар чиглэлийн тусгай үүргийн нислэгээр 255 зорчигч ирнэ.  Тэдний дотор өндөр настан 31, хөгжлийн бэрхшээлтэй 12, бусад улс орноос дамжин ирж буй 52, жирэмсэн 4 хүн, бага насны хүүхэдтэй гэр бүлүүд болон 2-14 насны 16 хүүхэд ирнэ” гэдгийг тэрбээр хэллээ. 

Иргэдийн тусгаарлах байрны бэлтгэл ажил хангагдсан бөгөөд эмнэлгийн тусламж үзүүлэх шаардлагатай хүмүүсээ эрүүл мэндийн байгууллагад тусгаарлана гэдгийг нэмж мэдээлэв.