Баянзүрх дүүргийн Засаг даргын Тамгын газар Гүүд Нэйборс ОУБ-тай хамтын ажиллагааны хүрээнд гэр хорооллын дөрвөн хорооны таван байршилд ухаалаг худгийн системийг суурилуулж, бүрэн ашиглалтад орууллаа.

 Тус ухаалаг системийг 9 , 17 , 21 , 24 дүгээр хорооны гэр хорооллын иргэд тухайн худгаас карт авснаар ашиглах боломжтой. Өнөөдөр Гүүд Нэйборс ОУБ-ын Монгол дахь Төлөөлөгчийн газрын Суурин төлөөлөгч Жу Сун Хён тус хороодын Засаг дарга нарт "Ухаалаг худгийн систем"-ийн гэрчилгээг гардуулсан юм .