Дундговь аймгийн Онцгой байдлын газрын хамт олон байгаль орчноо хамгаалах, шувуудын амьдрах орчныг дэмжих зорилгоор нийгмийн хариуцлагын ажлын хүрээнд 40 ширхэг шувууны үүр хийж бэлтгэлээ. Өнөөдөр аймгийн Засаг дарга С.Мөнхчулуун Онцгой байдлын газарт ажиллах үеэр Онцгой байдлын газрын дарга, хурандаа Ж.Төмөрмандах тус ажлыг танилцуулсан бөгөөд үүрнүүдийг шувууд үүрлэх боломжтой, байгальд ээлтэй материалаар хийж, цаашид тохиромжтой орчинд байршуулан ашиглана гэв.

Үлийн цагаан оготно олноор тархаж, бэлчээр доройтох эрсдэл нэмэгдсэн бүс нутгуудад бэлчээрийг хамгаалах, биологийн төрөл зүйлийг зохистой ашиглах, байгаль, экологийн тэнцвэрт байдлыг хадгалах зорилгоор шувууны үүрийг суурилуулж байгаа юм.