Эрүүл мэндийн сайд Э.Батшугар эм, эмнэлгийн хэрэгсэл, биобэлдмэл, вакциныг нэг эх үүсвэрээс худалдан авах ажлын явцыг Засгийн газрын хуралдаанд танилцууллаа.

2026 онд гемофилийн фактор зэрэг нэн шаардлагатай эм, эмнэлгийн хэрэгслийг нэг эх үүсвэрээс худалдан авч, 350 сая төгрөгийн хэмнэлт гаргажээ.

Харин 2027 онд эмийн давхардлыг арилгаж, чанарын шаардлага хангасан 179 нэр төрлийн эмийг сонгон, Польш, Турк, БНСУ болон НҮБ-ын байгууллагуудаас үнийн санал авч эхэлсэн байна.

Мөн уналт таталтын эмийг төрөөс бүрэн хариуцах бөгөөд улсын хэмжээнд 4,909 иргэний хэрэглэдэг уг эмийн 10 үйлдвэрлэгчийн 45 нэр төрлийг НҮБ-ын Хөгжлийн хөтөлбөртэй хамтран худалдан авахаар гэрээ байгуулжээ. Ингэснээр эмийн нөөцийг бүрдүүлж, тасалдал үүсэхээс сэргийлэх боломж бүрдэх аж.