Сүхбаатар аймагт газрын тосны хайгуул, олборлолтын үйл ажиллагаа явуулдаг “Петро Чайна Дачин Тамсаг” ХХК-ийн үйл ажиллагааг эсэргүүцсэнтэй холбоотой хэрэгт шалгагдаж байсан Г.Солонго, Г.Адилбиш нарыг үргэлжлүүлэн цагдан хорих саналыг шүүх хүлээн авахаас татгалзжээ.

Прокуророос тэднийг үргэлжлүүлэн цагдан хорьж, мөрдөн шалгах ажиллагааг үргэлжлүүлэх санал гаргасан боловч шүүх уг саналыг зөвшөөрөөгүй байна. Ингэснээр Г.Солонго, Г.Адилбиш нарыг цагдан хорихгүйгээр гадуур шалгах боломжтой болжээ.