Архангай аймгийн Цэцэрлэг хотын ирээдүйн хөгжилд чухал хувь нэмэр оруулах 22 МВт-ын дулааны цахилгаан станцын бүтээн байгуулалтын ажил эхэлж байна.

Архангай аймаг жилээс жилд өргөжин хөгжиж, айл өрх, аж ахуйн нэгжүүдийн цахилгаан, дулааны хэрэглээ өсөн нэмэгдэж байна. Энэхүү хэрэгцээг урт хугацаанд найдвартай хангах, орон нутгийн хөгжлийг дэмжихэд шинэ станц чухал үүрэг гүйцэтгэнэ.

Энэ бол төр, хувийн хэвшил хамтран ажиллаж, орон нутгийн хөгжилд бодитой хувь нэмэр оруулж буйн нэгэн жишээ юм.

Энэхүү чухал төслийг хэрэгжүүлж буй “АПП Энержи” ХХК, “Энержи Девелопмент” ХХК, хөрөнгө оруулагчид, инженер техникийн ажилтнууд болон бүтээн байгуулалтад гар бие оролцож буй нийт хамт олонд амжилт хүсье.