Аймгийн Засаг даргын 2020 оны А/117 дугаар захирамжийн дагуу зудын эрсдэлийн тойм судалгаа хийх ажлаар ГБХЗХГ, ОБГ, ХХААГ-ын хамтарсан ажлын хэсэг өнөөдөр Галт суманд ажиллаж байна.

Галт сумын нийт нутгаар цасан бүрхүүлтэй, цасны зузаан талдаа 38-44 см, гуу жалгандаа 80-130 см зузаан, хөрийн зузаан 10 см байна. Үндсэндээ хөдөөгийн багуудад мал бэлчих боломжгүй, мал 100% тэжээлд орсон, малчдын бэлтгэсэн өвс, тэжээл дууссан бөгөөд нөхцөл байдал хүндэрсэн зудын байдалтай байна. Тухайн суманд улсын болон аймгийн Онцгой комисс, нөөцөөс 2 удаа өвс, тэжээл хуваарилсан.