Монгол Улсын Их хурлын ээлжит сонгуульд оролцох хүсэлтэй 15 нам, 4 эвсэл, бие даагч нийлээд 647 хүн өрсөлдөхөө мэдэгдээд буй. Тэгвэл удаагийн сонгуульд тэмцэгч Б.Жагар, НИТХ-ын дарга асан Ц.Сандуй нар Монголын ногоон намаас нэр дэвшин өрсөлдөхөөр болжээ. Тус намын бага хурлаас 24 хүнийг энэ удаагийн сонгуульд оролцохыг зөвшөөрсөн байна.

НИТХ-ын дарга Ц.Сандуйгийн хувьд өмнөх сонгуульд Нийслэлийн МАН-ыг тэргүүлэн орон нутгийн сонгуульд оролцож улмаар ялалт байгуулсан нэгэн. Тухайн үедээ сүртэй яригдаж байсан “60 тэрбум”-ын гэх хэрэгт нэр холбогдож нам дотроо хариуцлага хүлээн огцорсон бол түүнд улстөрийн хариуцлага үүрүүлэн НИТХ-ын даргаас нь чөлөөлж, МАН-ын гишүүнчлэлээс хассан байдаг. Тэгвэл тэрбээр даагаа нэхэх зорилгоор УИХ-ын сонгуулийн 27-р тойрог буюу Сонгинохайрхан дүүргээс УИХ-д нэр дэвшихээр болжээ