БНСУ-д ажиллаж амьдардаг хэсэг бүлэг монгол залуучуудын дунд маргаан үүсэж, тэдний дөрөв нь нэгнийгээ ухаангүй болтол нь бүлэглэн зодсон хэрэг энэ сарын 5-ны өдөр гарчээ. Зодуулсан 26 настай Г нь  тархиндаа цус харвалт, цус хуралттай Сөүлийн их сургуулийн эмнэлгийн сэхээн амьдруулах эрчимт эмчилгээний тасагт эмчлүүлж байгаад улмаар нас баржээ. Хэргийг Сөүл хотын цагдаагийн газар шалгаж байгаа бөгөөд хэргийн гол буруутан А-г хорьж саатуулаад байгаа ба хэрэгт холбогдсон бусад гурван монгол залууг тэднийг уг гэмт хэрэгт харьцангуй бага оролцоотой хэмээн үзсэн учир хорьж саатуулах шаардлагагүй гэж үзжээ.